Croeso

Bu Fairbridge Cymru yn gweithio gyda phobl ifanc rhwng 13 a 25 oed ers mwy na 21ain mlynedd, a chafodd ei gofrestru’n ffurfiol fel elusen Gymreig annibynnol gyda’r Comisiwn Elusennau yn 2004. Mae’r bobl ifanc y byddwn yn gweithio gyda nhw yn rhai o’r bobl ifanc sy’n wynebu’r sialensau mwyaf, sydd wedi ymddieithrio fwyaf ac sydd fwyaf anodd eu cyrraedd yng Nghymru. Maent i gyd un ai’n wynebu perygl neu yn wir mewn perygl o roi’r gorau i addysg neu waith neu hyfforddiant. Yn aml iawn mae gan y bobl ifanc hyn nifer o anghenion sy’n gofyn am gefnogaeth, gan amrywio o hunan-barch i ddigartrefedd, camddefnyddio sylweddau i hunan-niwed; mae’n bosibl eu bod wedi eu hamddifadu o gefnogaeth teulu neu o ddiogelwch y cartref.

Mae Fairbridge Cymru yn helpu’r bobol ifanc hyn i ddatblygu’r sgiliau a’r hyder angenrheidiol i newid eu bywydau er gwell. Trwy gyfrwng ystod o weithgareddau llawn her sydd wedi eu strwythuro’n arbennig, ochr yn ochr â chefnogaeth unigol, mae’r bobl ifanc hyn yn dewis dychwelyd i ganolfan Fairbridge i fynd i’r afael â’u anghenion a newid eu bywyd gam wrth gam.

Mae Fairbridge Cymru yn gweithio gyda llywodraeth leol a’r llywodraeth ganol, ac asiantaethau statudol a gwirfoddol eraill i sicrhau bod y gofal a’r gefnogaeth orau posibl ar gael i gwrdd â’u anghenion. Ystyrir Fairbridge Cymru fel rhanddeiliad allweddol yng Nghymru i gefnogi a darparu ar gyfer pobl ifanc sydd wedi ymddieithrio. Bob blwyddyn, mae hyd at 500 o bobl ifanc yn cysylltu’n wirfoddol â Fairbridge Cymru. I lawer ohonynt, ni yw’r cam cyntaf tuag at ddyfodol gwell.

• Colin Jackson becomes Patron of Fairbridge Cymru

  Colin Jackson CBE will officially be unveiled as Patron of Fairbridge Cymru o... more

• The Graham Cater Bursary is launched

  Graham believed wholeheartedly that by giving young people the skills and opp... more

• Artes Mundi choose Fairbridge

  From October 2007 to March 2008, five artists specially recruited by Artes Mu... more

Tim Powell (Cadeirydd Gweithredol), Antony Beevor, Walter Dickie, Elena Griffin, Nigel Haynes, Anthony McEwen, Andrew Walker.